گؤزلری‌نین یاشینی سیل آغلاما

بیلیرم چتیندیر سندن آیریلماق

گؤزلری‌نین یاشینی سیل آغلاما.

سنه ده عذابدیر منسیز تک قالماق،

گؤزلری‌نین یاشینی سیل آغلاما.

سئوینجلی، کدرلی گونلر گؤرموشوک،

دردیمیز بیر اولوب بیرده بؤلموشوک.

بیز بیر-بیریمیزدن آیری قالمیشیق،

گؤزلری‌نین یاشینی سیل آغلاما.

بیلیرم یانیمدا اولمایاجاقسان،

بلکه ده سن منی اونوداجاقسان.

قبریمین اوستونده آغلایاجاقسان،

گؤزلری‌نین یاشینی سیل آغلاما.

سن منی گؤروب دلی اولاجاقسان،

حالیما بیر باخیب سن دوناجاقسان.

منیم یئریمه سن قوجالاجاقسان،

گؤزلری‌نین یاشینی سیل آغلاما.

بیر چتین یولدو عذابدی محبت،

گوندوزو پیس گونه قویدو محبت.

منی باخ بو حالا سالدی محبت،

گؤزلری‌نین یاشینی سیل آغلاما. 

 
 
 |    نوشته شده توسط دومان
 
 
 
سندن سونرا...
اؤزونله آپارمیسان
گونلریمین رنگینی .
کدر منه بنزه ییر،
غم کؤوره لیب سن کیمی .
ایندی باشا دوشموشم ،
سن سیز هر شئیم هدر،
سندن سونرا هئچ کسی
سئومه دیم سنین قده ر .
سئوگی دولو باخیشلار
شکلیندن باخیر منه .
دؤنه جکسن بیلیرم
سن اوّل - آخیر منه .
من ائله بیلیردیم کی ،
هر شئی سویویوب گئدر،
سندن سونرا هئچ کسی
سئومدیم سنین قده ر.
ایچیمده طوفان کیمی
چاغلاییر خاطیره لر.
گؤز یاشلاریم قورومور
آغلاییر خاطیره لر.
من کدردن دویموشام
مندن دویماییر کدر ،
سندن سونرا هئچ کسی
سئومدیم سنین قده ر.
او قدر یاخین ایکن
بو قدر اوزاق اولدوق.
یورولدوق مو سئوگیدن
بیز یاری یولدا قالدیق .
من عذابلار ایچینده ،
سن اؤزون مندن بئتر
سن اؤزون ده هئچ کسی
سئومدین منیم قده ر ...

 
 
 |    نوشته شده توسط دومان
 
 
 

من دویا بیلمه دیم نه اولدو بیزه

سندن آیریلالی گوله بیلمیرم

گئری دؤن منی ده آپار دنیزه

قورتولوب یانینا گه له بیلمیرم


سینیق اوره گیمده سنین حسرتین

داغ کیمی چئکیلیب داغ کیمی قالیب

بلکه ده دؤنمه گه یوخ جسارتین

بلکه ده بوداغلار آیریلیق سالیب؟!! 

               *****

گئری دؤن بیر اته ک اومودوم قالدی

دئدیم وارلیغیمیز سولماسین داها

گه لمه دین ، آرزیلار سولدو سارالدی

سن سیز یاشاماغیم قالیب آللاها 

یادیندا بیر گئجه قول بویون اولدوق

سنین گؤزلرینده بوغولدوم بیر آن!!!

نه ده نسه بئله جه سارالدیق سولدوق

او سئنیق کؤرپوده آیریلان زامان

                 *****

ال – اله ، اوز – اوزه دایاندیق دوردوق

« آی » دا خومار – خومار باخیردی بیزه

کؤرپونون اوستونده بیر نیشان قوردوق

آیریلدیق ، سؤز وئردیک بیر بیریمیزه

               *****

سن باتدین دنیزه بیر دنیز کیمی

سندن آیریلالی گوله بیلمیرم

من سئنیق کؤرپوده قالان ایز کیمی

قورتولوب یانینا گه له بیلمیرم

 
 
 |    نوشته شده توسط دومان
 
 
 

 
 
 |    نوشته شده توسط دومان
 
 
 

سنينله يم، سولدوگونش باتدي آي     

قافييه لر فيكره دالير هارداسان؟
گؤزلريمين قاراسيندا لاي بالاي         

 آيريليغدي چؤكوب قالير هارداسان؟

                  ******

باغيريرام سسيم باتير ايچيمده        

 سنسيزليگيم سنه چاتير ايچيمده

بو شاختادا - شاختا ياتير ايچيمده     

گونش آخيب قاش قارالير هارداسان؟

               ******

 يازي يازان قارا يازيب يازيمي !!!            

 هئچ بيلميرم هارا يازيب يازيمي!!!؟

سينم اوسته آلديم سينيق سازيمي   

 بوساز سندن ايلهام آلير هارداسان؟

             ******

سن خزره چئوريليرسن بير آندا         

 من دومانا قارق اولورام دوماندا

بارماقلاريم شاه پرده يه جوماندا       

 تئل قيريليرماهني سولور هارداسان؟


 
 
 |    نوشته شده توسط دومان
 
 
 

 اثر استاد حیدر عباسی (باریشماز)

 

شاختادیر هاوانین الینده قیرمانج،
قورخودان اسیرلر زاغ-زاغ بوداقلار،
آغ کورکه بورونوب دره‌لر، داغلار،
توتوبلار داغلارا آینا شافاقلار.

گئجه‌نین قویوسو آچیبدیر آغزین،
گونشین آیاغی بودره‌ییر، باتیر،
سون ایشیق قویودان یوکسلن زامان،
اسنه‌ین داغلاردا مورگولور یاتیر.

چیلله‌قوودو ائدیر بو آخشام شهر،
آیی تک توستوده شاختا بوغولور،
داملارین اوستونده یانیر تونغاللار،
گئجه‌نین باغرینا خنجر سوخولور.

قیزیشارکن اوددا بالاجا قیزیم،
خیاللار قوینوندا اگلنجه قورور،
اوزونه یاییلیر ابهام اؤرتوسو،
گؤز تیکیر گؤزومه توموخور دورور.
 
سؤیله‌یین بیر گؤروم کیمدیر بو چیلله،
آلاودا یاندیریب تینده بوغورسوز؟
جوجه‌لر قانلیسی تولکودور مگر؟
یوواسین اوتلاییب ایتله قووورسوز؟

ناغدا تک باشینی تومارلایارکن،
سؤیلورم یوخ قیزیم، یانیلما آرتیق،
بو چیلله نه قورددور، نه ده تولکودور،
نه ده شر گیزله‌نن کؤهنه داغارجیق.

اوزونلو گئجه‌دن بئزیکن زامان،
خیاللار آتینی تومارلار انسان،
پیس گونون ائنینیدن بویوندان کسر،
قیسسالدار عؤمرونو بودارلار انسان.
 
پیس گونون عؤمورو اوزون اولسا دا،
خورسانیر، دیرده(؟) انسان اسگیدن.
سازاقدان، شاختادان آغیر نفرتین،
بئلنچی بیلدیریب انسان اسکیدن.

شاختانین قوینوندا، قاردا، بوراندا،
انتظار گؤزوموز یئنه یازدادیر،
دیدرگین بولبولون، تالانان یازین،
نغمه‌سی اورکده، سؤزو سازدادیر.

دؤزومون الیله انسان هر زامان،
کدرین اونودوب، دوگونون آچیب،
قیش عؤمرون دوغراییب، بودارلاماقدا،
حکمت‌لر گیزله‌نیب معنالار یاتیب.

یامانین دالینجا قیزیم هر زامان،
رسمیدیر چالینار بیر قارا بایداق،
معناسی بودور کی یامانین سسی،
سال آتدان اوجالسین، دؤنمه‌سین آنجاق،

آز یاشا، دوز یاشا سن ده عؤمرونده،
اومیدلر دینله‌دن اینجه بیر ساز اول،
اوزونلو قیش اولما، بئزدیریب یوران،
خلقیوه بیر گونلوک باهار اول، یاز اول.

بیر اوزون یاز اولسون، بیر اوزون ده قیش،
یاخشی‌یا، یاخشی اول پیسینن آتیش،
ناغیللار بزگی پریلر کیمی،
باتلاغا باتانین الیندن یاپیش،

ائله قایغی چکن آز دا یاشاسا،
ائل اونا ابدی حیات باغیشلار،
اوزالدار عؤمرونو آرزیلار کیمی،
آدینی سیلممز یاغان یاغیشلار.

داغ بویو کول اولما بیر آز سورمه اول،
گؤزللر گؤزونه یاخسینلار سنی،
یانگینان یاغ کیمی حق چیراغیندا،
اورکده یاشاتسین قالانلار سنی.

حیاتین اولماسین پولاد اؤز قیلینج،
شیمشک تک ظالیمین الینده شاخسین،
بیر گونلوک چیچک اول گؤزللر سنی،
سئوینجله قوپاریب، یاخایا تاخسین.

قورشون تک داملاما حسرت گؤزوندن،
گولوش اول دوداقدا غنچه تک آچیل،
یازلارا آداخلان چیچکلر کیمی،
پارلایان قندیل اول اورکدا آسیل.

قیش – ۱۳۶۳

 

 
 
 |    نوشته شده توسط دومان
 
 
 



زولفون آچ قوی جالانا سینه ده ماهور اوزونه

                              اِئله کی آی توتولا,سایه توشه خور اوزونه

زولفون افـشان اولالی عالمی ظلمت بورودو

                               نه گؤزَه ل اولما لی دیرصبح آچیلا حوراوزونه

اِئوین آباد اولا ویرانه می آباد اِئلَه دین

                              اولموشام گؤرنئجه شیدا سنه ,مسحور اوزونه !؟

وِئرمَه جلا ده منی ساخلا بلالَر سپری

                               عیدِ- اضحی دَه گؤتورسن منی ساطور اوزونه

بَند بَندیم ده ن آییردوغرا مقاماته منی

                                نِِی تکین نغمه له نیم شوریله ماهور اوزونه

آرازام خسته خرابم آخیرام دریالارا

                               کی چاتام بَلکه قارانلیق گئجه ده ن نور اوزونه

                                                            22/12/74  م-ق-آراز

 
 
 |    نوشته شده توسط دومان
 
 
 

 
 
 |    نوشته شده توسط دومان
 
 
 

 
 
 |    نوشته شده توسط دومان
 
 
 
از سعيد شريفي هنرمند شيرواني
 
 
 |    نوشته شده توسط دومان
 
 
 
 
 
 |    نوشته شده توسط دومان
 
 
 

 

RAMİZ RÖVŞƏN

 

Yavaş-yavaş sevdim səni,
Hər gün bir az da sevdim.
Ən çox bu qış sevdim səni,
Qarda, ayazda sevdim.

Gör bir nə tez isinişdik
Havalar soyuyanda.
Adamlar qalın geyinib,
Ağaclar soyunanda.

Qar altından baş qaldıran
Çiçəktək sevdim səni.
İstisinə qızındığım
Ocaqtək sevdim səni.

Hələ bu cür sevməmişdim
Ömrüm boyu heç kimi.
Səni sevdim qar üstündə
Yem axtaran quş kimi.

Qorxa-qorxa bu sübh çağı
Nə baxırsan göyə sən?
Deyirsən ki, günəş çıxıb,
Qar əriyir deyəsən…

 

 
 
 |    نوشته شده توسط دومان
 
 
 
 

بیر گون بو سئودایه اؤلمه لی اولساق
من اؤله رم ایكیمیزین یئرینه
آغلاساق گؤزوموز یاشارسا بیر واخت
من سیله رم ایكیمییزین یئرینه
دونیانین غمینی بؤلوشسك چیچك
هامیسین آلارام قلبیمه تك - تك
دونیانین لذتین بؤلمك ایسته سك
من بؤله رم ایكیمیزین یئرینه
سنی چالدی مندن آپاردی بیری
یوخدو سئوگیمیزه هئچ اومود یئری
دای گؤروش یئرینه بو گوندن بری
من گله رم ایكیمیزین یئرینه
اؤلورم بو گئجه منی یوخلاما
جیر شكیل لریمی هئچ نه ساخلاما
منیم چین داریخیب گیزلی آغلاما
من مله رم ایكیمیزین یئرینه
بیلیرم یاد ایوین گلینی سن سن
یول اوستونده چیخساق اوز - اوزه بیردن
اوتانیب اوزومه گوله بیلمه سن
من گوله رم ایكیمیزین یئرینه
بیر گون بو سئودایه اؤلمه لی اولساق
من اؤله رم ایكیمیزین یئرینه

 

 
 
 |    نوشته شده توسط دومان
 
 
 

 

بئينيمده ساوالان گؤزومده آراز

يول آليب گئديرم دوماندا چن ده

درديمي سيزلايير بير صدفلي ساز

نسيگيله بويانير ماهني دا من ده

 

ساغيمدا يارادير سولومدا يارا

باغلانيب آياغيم كؤچه بيلميرم

سنه كؤرپوله نن قولومدا يارا

بو سئنيق كؤرپودن كئچه بيلميرم

 

اوزومو دؤنده ريب خزره ساري

سينيرام ايچيمده آيلي بير گئجه

گؤزومده سورگوندو دورنا قاطاري

ياييليم لي بير گئجه ، يايلي بير گئجه

 

حسرتله دايانيب بير آه چئكيرم

آرزيمي گؤزومده سئله دؤنده رير

ساحيلدن – ساحيله گوناه چئكيرم

آرازي يانديريب كوله دؤنده رير

 

بير قوشما يازيرام ياريسي سودا

ياريسي توپراقدا اود دوتوب يانير

بارماغيم آز قالير سني اونودا

بلكه ده وئرديگي ايلقارين دانير

 

بلكه ده يازيميز يازيلميش بئله

بلكه ده ساوالان سيغمايير منده

دؤزه رم بير آزدا ، دؤزه رم هله

بوراندا ، ياغيشدا ، دوماندا ، چن ده

 
 
 |    نوشته شده توسط دومان
 
 
 
 

سئوگي

 
 
 |    نوشته شده توسط دومان
 
 
 
 

هجرانين اودونا يانديقجا اورك
وصالين عشقيله جانلانير ديلك
نه قدر قارانليق مني سيخسادا
اگيلمز كوره گيم ، يورولماز بيلك

Hicranın oduna yandıqca ürək
Vusalın eşqilə canlanır dilək
Nəqədər qaranlıq məni sıxsada
Əyilməz kürəyim , yorulmaz bilək

آل گونش عشقيله دوشموشم يولا
سئوگيليم سحرله وئريب قول – قولا
دويورام صاباحين شيرين نغمه سين
بيرليك ده تبريز ده ييغيشاق طويا

Algünəş eşqilə düşmüşəm yola
Sevgilim səhərlə verib qol-qola
Duyuram sabahın şirin nəğməsin
Birlikdə Təbriz,də yığışaq toya

اوره گيمده مين بير آرزو اولسادا
بو يولدا جان آغير درده باتسادا
مينيندن بيرينه چاتاجاغام من
بو تايي او تايا قاتاجاغام من

Ürəyimdə minbir arzu olsada
Bu yolda can ağır dərdə batsada
Minindən birinə çatacağam mən
Bu tayi o taya qatacağam mən

سن منيم سسيم سن ، من سنين سسين
يورولماسين قارداش دئيه ن نفسين
گل قاتاق سسيميز سسلره دؤنسون
ياراق آيريليغين چيركين سينه سين

Sən mənim səsimsən , mən sənin səsin
Yorulmasın qardaş deyən nəfəsin
Gəl qataq səsimiz səslərə dönsün
Yaraq ayrılığın çirkin sinə sin

ازلدن بير اوخا يارالانديق بيز
بير ائودن نه يامان آرالانديق بيز
حسرتين اودونا يانديق ديز به ديز
او گوندن ياسليدير آناميز تبريز

Əzəldən bir oxa yaralandıq biz
Bir evdən nə yaman aralandıq biz
Həsrətin oduna yandıq diz bə diz
O gündən yaslıdır anamız təbriz

او گونو گؤرسئيديم گلميشم سيزه
اوتورموشام قارداشيملا اوز اوزه
داهي اوره گيمين بيتر ياراسي
باكي دان يوللانيب چاتاق تبريزه

O günü görseydim gəlmişəm sizə
Oturmuşam qardaşımla üz üzə
Dahi ürəyimdən bitər yarası
Bakı`dan yollanıb çataq Təbrizə

«ارك»ين سلامي وار «قيز قالاسي»نا
«قورو گؤل» «گؤي گؤل»-و سالير يادينا
جيرتدان قارانليقدا پيچيلداشيري
ساوآلان حسرتدي اؤز بالاسينا

“Ərk” in salamı var “Qız qalası” na
“Qurugöl” , “Göygöl”ü salır yadına
Cirtdan qaranlıqda pıçıldaşıri
Savalan həsrətdi öz balasına

ازلدن وورغونام من گؤزل ليگه
قيزيل گول بولبولو گتيرر ديله
سئوگيليم او تايدان مني سسله يير
يوخ-يوخ دؤزنميرم من بو نيسگيله

Əzəldən vurğunam mən gözəlliyə
Qızılgül bülbülü gətirir dilə
Sevgilim o taydan məni səsləyir
Yox-yox dözənmirəm mən bu nisgilə

« چاي اوغلو » داريخما گؤتور چال سازين
ياييلسين ائللره اودلو آوازين
داريخما گون گلر بختيار ايلن
كؤرپولر سالاريق اوسده آرازين

“Çayoğlu” darıxma götür çal sazın
Yayılsın ellərə odlu avazın
Darıxma gün gələr bəxtiyar ilən
Körpülər salarıq üsdə Araz`ın

 
 
 |    نوشته شده توسط دومان
 
 
 

چئویره ن:بهروزصدیق

قایناق: اورهان ولی بوتون شعیرلری

         

اورهان ولی کانیک 13نیسان 1914ده ایستانبولدا دوغولدو. گالاتا سارای لیسه سینده باشلادیغی اؤیره نیمینی آنکارادا سوردوردو. بیر سوره ایستانبول یونیورسیته سی ادبیات فاکولته سی فلسفه بؤلومونه داوام ائتدی(1932- 36) آنکارا گئنل مودیرلیگینده مامور اولاراق وظیفه آلدی.عسگرلیک وظیفه سینی تامام لادیقدان سونراMEBترجومه بوروسوندا چالیشماغا باشلادی((1945داها سونرا "قورومدا آنتی ـ دئموکراتیک بیر هاوا اسمه یه باشلادیغینی" سؤیله یره ک وظیفه سیندن ایستعفا ائتدی(1947) ایلک یازیلاری لیسه ایللرینده چیخاردیغی سسیمیز آدلی مدرسه درگی سینده ،داها سونرا کی شعیر وشعیر یازیلاری  اینسان،سس،گنجیلیک،کوللوک،اینقیلابچی گنجیلیک درگی لرینده یاییملاندی.

1947ایلیندن اعتبارا چئوره یه آغیرلیق وئره ن اورهان ولی ،م.آ. آیبارین چیخاردیغی حر و زنجیرلی حریت آدلی قزئته لرده تنقیدلر،اولوس دا"یولچو نوتلاری"باشلیقلی یازیلار یاییملادی.1941ده لیسه دن آرخاداشلاری اوکتای رفعت وملیح جودت آندای ایله بیرلیکده غریب ادلی شعیر کیتابینی چیخاراراق تورک شعرینده یئنی لشمه حرکاتینا باشلادیلار.

1اوجاق 1949تاریخیندن اعتیبارا اون بئش گونده بیر یاییملانان یارپاق درگیسینی چیخارمایا باشلادی.  15 حاضیران 1950یه قده ریاییملانان بو درگینی مادی گوجلوک لر سببیله یاییملا یاماز اولونجاآنکارادان آیریلیب،ایستانبولا دؤندو.(سون یارپاق آدلی اؤزل بیر سایی آرخا داشلاری طرفیندن اؤلومو اوزه رینه یاییملاندی.) 14 کاسیم 1950ده ایستانبولدا اولدو. شعیر لریندن یاپیلان سئچمه لرانگیلیس جه،فرانسیزجا، روسجا،یونان جا کیمی چئشیدلی دیللره چئوریلدی.

 

 

                "  باش آغریسی"

                یوللار نه قده ر گؤزه ل اولسا،

                گئجه نه قده رسرین اولسا،

                بدن یورولور،

                باش آغریسی یورولماز.

             

 

                "  آغاجیم"

                 محلله میزده

                 سندن باشقا آغاج اولسایدی

                 سنی بو قده ر سئومزدیم.

                 فقط اگر سن

                 بیزیمله برابر

                 کایدیراق اویناماسینی بیلسه یدین

                 سنی داها چوخ سئوردیم.

                 گوزه ل آغاجیم!

                 سن قورودوغون زامان

                 بیزده اینشاللاه

                 باشقا محلله یه داشینمیش اولوروق.

 

                "  انتیحار"

                 کیمسه دویمادان اؤلمه لییم

                 آغزیمین کناریندا

                 بیر پارچا قان بولونمالی.

                 منی تانیمیانلار

                 "موطلق بیرینی سئویردی"دئمه لیلر

                 تانیان لارسا"زاواللی دئمه لی

                 چوخ سفالت چکدی"..

                 فقط حقیقی سبب

                 بونلاردان هئچ بیریسی اولمامالی.

   

             

 

                " کوچه ده گئده رکن"

                کوچه ده گئده رکن ،اؤزوم اؤزومه

                گولومسه دیگیمین فرقینه واردیغیم زامان

                منی ده لی ظن ائده جک لرینی دوشونوب

                گولومسه ییره م.

 

                " رویا"

                آنامی اؤلموش گؤردوم رویامدا.

                آغلایاراق اویانیشیم

                خاطیرلاتدی منه،بیر بایرام صاباحی

                گؤی اوزونه قاچیردیغیم بالونوما باخیب

                آغلایشیمی.

 
 
 |    نوشته شده توسط دومان
 
 
 

من گئدیرم غربت ائله،

سن سالامات قال، آی داغلار،

حالاللیق وئر، قوی قالماسین .

اوره ییمده خال، آی داغلار،

 

هانی منده دؤزوم سن سیز،

سؤنه جکدی کؤزوم سن سیز،

قان تؤکه جک گؤزوم سن سیز،

اولاجاغام لال، آی داغلار،

 

دوستوم - یاریم کئچیر گئندن،

دردیم آرتیر گونو گوندن،

 منی غمدَن، غمی مندن،

آل، آی داغلار، آل، آی داغلار،

 

گونش گزیب یورولاندا،

سازین سیمی قیریلاندا،

گؤیده قارتال وورولاندا،

منی یادا سال، آی داغلار،

 

قایالاری اله دؤندَر،

جیغیرلاری تئله دؤندَر،

شجاعتی کوله دؤندَر،

بیر « کرمی » چال، آی داغلار،

 
 
 
 |    نوشته شده توسط دومان
 
 
 
 

بیر گون طیاره اولاجام

اوچاجام

قانادلاناجام ماوی بولودلاری

قلم لریم چتیرباز اولاجاقلار

آسلاناجاقلار آغ کاغیذلاردان

ائنه جکلر یولسوز ماحاللارا ....

اوزاق  کؤی لرده کی اوشاقلار

طیاره نین سسین ائشیدیب

منه ال ساللایاجاقلار

من

یوکسک لره اوچاجام .....                                

 

Birg ün təyyarə olacam

Uçacam

Qanadlanacam mavı buludları

Qələmlərim"çətir baz" olacaqlar

Aslanacaqlar ağ kağızlardan

Enəcəklər yolsuz mahalara

Uzaq köylərdəki uşaqlar

Təyyarənin səsin eşidib

Mənə əl sallayacaqlar

Mən

....Yüksəklərə uçacam

"کبیری"

 
 
 |    نوشته شده توسط دومان
 
 
 
 

آمان!

 

اولو تانریم_

 

چین- چین اولمــور،

 

آرزیلاریم.

 

آمان!

 

اولو تانریم-

 

سنه باغلی . . .

 

اومودلاریم.

                                          قوجا

 
 
 |    نوشته شده توسط دومان
 
 
 
 

آلمیشام آلینمایان آلمانی من


بـــــوءلـــموشم او آلــــــمانی


یاریسی ســـن

                    یـاریسی من

 

 
 
 |    نوشته شده توسط دومان
 
 
 
 

آغلار گؤزوم یوللارینا تیکیلیب
نازلی یاریم یالواریرام قاییت گل
درد چکمه کدن داها بیلیم بوکولوب
نازلی گولوم یالواریرام قاییت گل
ارییرم داملا – داملا آخیرام
گئجه گونوز یوللارینا باخیرام
من سمادا ایلدیریم تک شاخیرام
شیرین دیلیم یالواریرام قاییت گل
قلم کاغاذ دیل آچیبدیر ائله بیل
جانیمدا روح دیل آچیبدیر ائله بیل
وصال منه ال آچیبدیر ائله بیل
آییم ایلیم یالواریرام قاییت گل
نه مدت دیر الیم دیمیر الینه
گل دولاییم قوللاریمی بئلینه
قوربان اولوم سنین شیرین دیلینه
قویما اؤلوم یالواریرام قاییت گل

 
 
 |    نوشته شده توسط دومان
 
 
 
 

بو دونیانین هم ائنی هم اوزونو،

 

من گورموشم فلکین هر اوزونو،

 

گل سؤیله ییم سنه سؤزون دوزونو،

 

                                      دار گونونده چکیل دارا آغلاما  !

 

باش اوجا اول ، باش اوجا ائت ائلینی ،

 

وار  دولته  چوخ  باغلاما   بئلینی  ،

 

وطن  ،  ناموس  بیرده  آنا دیلینی

 

                                      قورو ساخلا باشقا وارا آغلاما  !

 

بو دونیا کی ، یوخدور اوندا اعتیبار ،

 

کوپ لرینده الوان- الوان رنگی وار !

 

بیری آغدیر بیری توتقون بیر تار !

 

                                      سنین کی ده اولسا قارا آغلاما !

 

من دئمیره م  طالع  یازی  یازارمیش

 

انسان اوغلو چوخ یازیلار پوزارمیش

 

کریم ، دونیا بیر گؤرمه لی بازارمیش !

 

                                     یولون دوشسه بو بازارا آغلاما !

 

          

                                      کریم گل اندام.

                                      اورمو  1373

 
 
 |    نوشته شده توسط دومان
 
 
 
 

الیم یئتیشمدی آغلار گؤزوم ...باغیشلا منی

گَلم سنی اؤوودام من اؤزوم ...باغیشلا منی

ها ایسته دیم بئله باش تاپ دئیه م سنی سئویره م

آغیزدا قالدی همیشه سؤزوم باغیشلا منی

آچیق دانیشماغیمی ایندی سالما قوربته چون...

...کی قالماییب داها منده دؤزوم باغیشلا منی

اوزاق پاییم سنین عشقینده یانماسام،کؤزه ریب

سپیلمه سه سنه قارشی کؤزوم باغیشلا منی

یئتیشمه سم أته ییندن توتوب الیندن اؤپه م

الینله تئز باریشا بیر اوزوم باغیشلا منی

***

یئتیشمه ریک بیلیره م بلکه آیریدیر یؤلوموز

بو اینتیظارلا قان آغلار گؤزوم...باغیشلا منی

 

ائلیاز 

 
 
 |    نوشته شده توسط دومان
 
 
 
 

یاددان چیخمادان

آل او باخینجانین اؤنوندن سارالمیش سؤزلرینی 

چک قوپارات یارالاریمدان شکلینی

سیل دورادان یازدیغین گؤزگونو

من سئوگیلر قادینی دئییلم

سن سئوگینی آنلایان بیری دئییلسن

آیری بیر تامارزیدیر بویورب اؤره­ییمزی

گئه­ده­جگسن

سرلیمیش اوره­یینی یغشدیر هیکلیمدن

سیل گؤزللرینی گؤده­مدن

چک آیاق ایزللرینی سسیمدن

چک اوره­ییمین قارانلیق پرده­سینی

دوزون بیلمک ایسته­ییرسن

اوتانجلار سوپورولسین یولوودان

حورمتللر سیلنینسین الریندن

نه آغلا،نه گول ،باخمادا

تئه­لس

ودالاشماغا بئله زمان یوخ

گئجمه یارانمادان

سردیم یول جیزق آلمادان قاتلانمادان

سنی یواندیرسین

گئه­ده­جکسن قالمایاسان ها

 اؤزونوده چک آپار

 
 
 |    نوشته شده توسط دومان
 
 
 
 

بو سون مکتوبومدور یازیرام سنه

بیلمیرم آغلیسان گولورسن منه

هر نیسه سئوگیمی باشا دوشمه دین

حسرتین یاندیریر قلبیمی یئنه

*

دئدین کی بئزمیسن سئوه بیلمیسن

منی خاطریندن داها سیلمیسن

دئ نه گورموشویدون سئوگیدن یانا

بللی کی سئوگیدن هئچ نه بیلمیسن

*

منی اونودورسان مین بیر هوسله

مین قرار وئریرسن هربیرنفسله

هانی بس دئدیگین کوورک اوره گین

منی آلداتمیسان بوش بیر قفسله

*

سئومیشم سئویرم سئوه جه یم من

پیس گونلری بیربیر گؤره جه یم من

منی اونوتساندا هئچ سئومه سنده

عشقینله کول اولوب اؤله جه یم من

*

دئییرسن اونودوم اونوتدوغون تک

دئییرسن دابس دیر باشیمدان ال چک

اونودماقدا سؤزیوخ اونودارام من

اما او زامان کی دوراجاق اوره گ

*

اتالار دئمیشلر چیخار یادیندان

هر کیمسه کی کئدسه سنین یانیندان

سن گئتدین یانیمدان اما یادیمدان

چیخمازسان روحومدا چیخسا جانیمدان

                                     اؤزگور 

 
 
 |    نوشته شده توسط دومان
 
 
 
بـــاخدیم دالیسیجا یــــار گئدنده  

                                   بیر یـــولدا دئدیـــم باخار گئدنده

بـــاخدی قـــاپیدان کئچنده گولدو

                                   بیـــلمیردی اورکــ اومـــار گئدنده

باغـــلاندی دیلیم اورکــــدن آمما  

                                  آز قالــــدی چئکم هـــاوار گئدنده

گئتمه گئدیسن؟یاواش– یاواش گئت  

                                  جــانیم بیلــــی سن چیخار گئدنده

دؤنــدر گـــؤزونو خومار خومارباخ   

                                  قــــویما منی ده ، خومـــار گئدنده

سن سیزلیـــگه دوزمـــگیم چتیندی   

                                  گــــل جــــانیمی آل قوتار گئدنده

سنـــدن سورا عشقـــــی نئیلیرم من   

                                  آل عشقینـــی ده آپــــار گئـــدنده

مئهـــر ایلــــه نوازش ائیلـــه بلکه     

                                  گــــول بیتسین اورک ده قار گئدنده

مــــن گؤر نـه دئییردیم اؤز اؤزوملن   

                                  قـــول بـــــوینوما بیر سالار گئدنده

بیچـــــاره اورک بـــولود کیمین دیر     

                                  گــؤردوکجه سنـــــی دولار گئدنده

  

ایتهاف ائدیرم جوان دوستیم ارحام محتشمین روحینه

 

یازار: استاد هوشنگ جعفری 

 

 
 
 |    نوشته شده توسط دومان
 
 
 

 

كيم نه دن يازيرسا يازسين مـــــن بو ائلدن يازاجايام

خان ائيوازدان كـوراوغــــلودان چنلي بئلدن يازاجايام

نه آي اوزلو گــــؤزللردن، نه ده كــــؤورك غزللردن

شاختا تؤكموش خزللردن، ســــولان گولدن يازاجايام

نه حوريدن نه قيلماندان، نه بئش گونلوك گولوستاندان

اورك يانديران هيجراندان، قـــــانلي گؤلدن يازاجايام

نه لئيليدن نه مجنــــــوندان، نه ده سيماي گولگوندان

زامــــــان ازميش جيگر خوندان، قابار الدن يازاجايام

                                                                            يازار: ميرحسين رياحي فر

 

 
 
 |    نوشته شده توسط دومان
 
 
 

 

 قارانلیق بیر اتاق

آتؤشگه آچیق

ساییلمیش اولدوزلار دولاشیق بارماقلارا

و من ...

ایچیمده سس سیزلیک فیرتیناسی

سوسوق توتموش

و دونموش بیر چیغیرتی

باخیشلاریمدا، یاغمور دالینجا

ساحات دایانیب

اینانمیر سوسقونلوقدا یوخ اولان چیقیلتیسینا

اینانمیر کائیناتین گئریده قالماسینا

باخیشلار آغلاماغا باشلاییر

و قانداللی گؤزلریمی آلدادیر

بیر بولودلار منی آنلاییر

بیرده بولودلاردا ایتن آرزولار

بوآندا دیک آتیلیر چالغی چالیر

ساحات سسی ایله گؤوده م اویانیر

 
 
 |    نوشته شده توسط دومان
 
 
 
 

جوما خورداد آی نین یدیسینده  (۰۷/۰۳/۱۳۸۹) هشترودین سیدالشهداء مسجیدینده ساعات ۱۶دان ۱۸ قدر رحمتلیک ارحام محتشمه عاید قیرخ مراسیمی کئچیریله جکدیر.

روحی شاد اولسون

 

 

 
 
 |    نوشته شده توسط دومان
 
 
 

 

 

حيدربابا ، يوْلوم سنَّن کج اوْلدى


عؤمروْم کئچدى ، گلممه ديم ، گئج اوْلدى


هئچ بيلمه ديم گؤزللروْن نئج اوْلدى


بيلمزيديم دؤنگه لر وار ،‌ دؤنوْم وار


ايتگين ليک وار ، آيريليق وار ، اوْلوْم وار



 

 
 
 |    نوشته شده توسط دومان
 
 
 
 

سني اونوتسام... 

   

  من سني اونودا بيلميرم، آخي 

  اونوتسام نه لري اونودام گرک 

  گؤيلره باخميشيق آيلي گئجه ده 

  اونوتسام گؤيلري اونودام گرک! 

   

  دنيزي اونودوم، يا دالغالاري 

  خاطيرن ياديمدان چيخايدي باري 

  پاييزدا خزاني، قيشداسا قاري 

  باهاردا گوللري اونودام گرک! 

   

  دئ نئجه اونودوم من سني نئجه؟ 

  سئوگي دورنا دئييل پاييزدا کؤچه 

  يوخوما گليرسن منيم هر گئجه 

  آيلاري، ايللري اونودام گرک! 

 

  سنين خياليندير هسرتله باخان 

  آديندير هر ساعات قارشيما چيخان 

  قاريشيب شکلينه گؤزومدن آخان 

  ياغيشي، سئللري اونودام گرک! 

   

   سينمده پشيمان اورگيم قالدي 

  اوچدون اللريمده لعلگيم قالدي 

  نه لري ايتيريب، باخ نييم قالدي 

  نه لري، نه لري اونودام گرک! 

 

نصرت کسمنلی

 
 
 |    نوشته شده توسط دومان
 
 
 
 
 
 |    نوشته شده توسط دومان
 
 
 
 

كــــــوچه 

گئجه آی چیخمیشیدی 

منیدیم بیرده او کئچمیش کوچه‌لر

بیرده تمام خاطیره‌لر منله برابر

گینه غملر اورگیمده قالانیردی

گینه سنلن او کئچن خاطیره‌لر یاده دوشوردو

او گؤزل خاطیره لر آیدینا گلدیکجه گؤزومده

آلیشیب اوددا یانیردیم

دانیشیردیم آییلا ، اولدوزايله ، چایلا ، چمنله

آی او گونلر کی گزیردیک بو داریش کوچه ده سنله

آیاغیم کوچه یه چاتدیقجا اورک دردینی دئشدی

اوتوروب سئیر ائله دیم خاطیره لرده ؛

گؤزیاشیم خاطیره لر تابلوسینا باخدی تؤکولدو

سئل کیمی آخدی تؤکولدو

او گؤزل گونلریمیز یادیما دوشدو

سنی آختاردی گؤزوم پنجره لرده

سونرا ایتگین ایتیرنلر کیمی قاشدی

او زامان سن دولانان یئرلره باخدی

آمما بوش یئرله ساتاشدی

یئنه غم کاسه سی کؤنلومده جالاندی 

یئنه کؤنلوم یارالاندی

نه گؤزل گونلریمیز سنله واریدی او صفالی کوچه ده

حیف او سئودا ، او محبت بئله نیسگیللی قورتولدو

نئجه تئز عشقیمیزین یاسی دوتولدو

نئجه تئز خوش گونون عومرو سونا گلدی

نه بیلیردیک؟ بئله دووران دؤنه‌جکمیش

نه بیلیردیک؟ کی بوتون آرزولار ایمکان اولا بیلمز

نه بیلیردیک؟ یانار اودلار سؤنه جکمیش

حیف اولدو، او گؤزل خاطیره لر دؤندو غم اولدو

نه گؤزل فیکرو خیالیله یاشاردیق

گله جک گونلریمیزدن سؤز آچاندا

بوروشوردوک گولیله ، چایلا ، چمنله  

آرزولارلا قاریشاردیق ، ساواشاردیق ، باریشاردیق

نه گؤزل دیر بیری نین کؤنلونو آلماق

قولونو سئوگیلینین بوینونا سالماق

سارماشیقلار کیمی شوقیله ساریشماق نه گؤزل دیر

هردن هردن اوتوروب فیکره دولاندا

او عزیز خاطیره لر یاده دوشرلر

گؤزو یاشلی یاغاجاق بارلی بولودلار کیمی دوللام

دییه رم هئچ گؤره سن بیر دوشه رم یادینا منده

گول آچار سنله کئچن گونلریمین یادی سینمده

شوقیدن گوللریم ایستر کی آچیلسین

آچمامیشدان ولی سوللام

نه دئییم کی منه گول وئرمه لرین یاده دوشنده ده لی اوللام

اوتوروب آغلاشارام خاطیره لر له

نئیله مک سن بئله سئودین

منده سن سیز یاشارام خاطیره لرله

من دئییردیم کی محبت گولونون رنگی سولانماز

نه بیلیردیم کی سولارمیش 

نه بیلیردیم کی فلک بئیله قویارمیش

 منی سن سیز سنی من سیز

خسته کؤنلوم گینه سن سیز نئجه حسرتلی سیزیلدار

کاش بیلیدین بو سینیق سازدا نه لر وار

آمما سن هاردان بيلرسن

بیر مثل واردی  دئیه رلر کی اورک یانسا گؤز آغلار

سنین آمما اورگین وارسادا داشداندی ، دمیردندی نه داشدان

کیم گؤروب؟ گول گویه‌ره سولموش آغاجدان

بسله میشدیم سنه بیر شانلی محبت

 کؤنلومون آیناسی آمما داشا گلدی

شوشه تک پول پول اولوب دوشدو داغیلدی

باشلادی سولماغا گول‌لر

بختیمین ترلانی دا اوچدو باغیمدان 

کؤچه‌ری قوشلاریله گئتدی قوتولدو

بیلمه دیم؟ هاردا دوتولدو

ائله بیر اینجه کؤنول صاحیبی آنجاق کی من ایدیم

ائله بیر قاینار اورک کی اؤزو سیندی

 سنی سیندیرماق اوچون اولمادی مئیلی

سنده سئودین قالا یالقوز ـ قالا حسرتلی گیلئی لی

نه بیلیردیم؟ بئله سئومک ده اولارمیش

نه بیلیردیم ؟ کی محبت گولونون رنگی سولارمیش

نه ببیلیردیم ؟ نه بیلیردیم ؟

 

 

 
 
 |    نوشته شده توسط دومان
 
 
 
 

 
 
 |    نوشته شده توسط دومان
 
 
 
 

بهانه‌سيز گئت

گئتمك ايسته‌ييرسن بهانه‌سيز گئت

اوياتما مورگولو شيرين خاطيره‌لري

سسين همان سسدير باخيشين اوگئي

گئديرسن سسينده ياد اولسون باري!

 

من سنين عشقينده آيا اولدوزا

اوركدن ديلكدن چاتماق ايسته‌رم

مين- مين سعادتي بويون‌باغي تك

سنين بوينونا آسماق ايسته‌رم

 

ياشاييم يوز ايلده ميليوندا مين‌ده

حياتيم بيته‌جك همان او گونده

بيليرسن گؤزلرين درينليگينده

بوغولماق ايسته‌رم باتماق ايسته‌رم

 

يوللار تك دؤشه‌نيم آياقلارينا

سنه يالواريم‌مي بو مومكون دئييل!

قويمارام قلبيم تك ووقاريم سينا

آلچاليب ياشاماق عؤمور گون دئييل!

 

دئميره‌م سن اوجا بير داغسان اگيل

دئميره‌م علاجيم قاليبدير سنه

نه سنده محبت قارا پول دئييل

نه من ديلنچي‌يم ال آچيم سنه

 

گئتمك ايسه‌ييرسن نه دانيش نه دين

يوخ اول اوزاقلار تك دومان‌دا چن‌ده

نه‌ييمي سئوميشدين دييه بيلمه‌دين

ايندي ايسه مين عيب گؤرورسن منده!

شعر:

نصرت كسمنلي

 
 
 |    نوشته شده توسط دومان
 
 
 

 

 

قویوب گئدن چاغ،

گئجه ، گوندوزوم قاریشدی بیر بیرینه

آخی اوندا ،

گوی ده منن

کوسوب گیتمیشدی ... .

 
 
 |    نوشته شده توسط دومان
 
 
 

گوزل یولداشیمیز ارحام محتشم دونیاسن دئییشدی... نه گوزل سسی واریدی؟ ایندی ده وار قولاغیمدا سسی گلیر...نهگونلریمیز واریدی؟ نه بیلر دیم بو تئزلیه گئده جک؟ .. حیف اولا...حیف...افسوس... نیه بس؟

یادیم دا دیر همیشه با هم قلیان باشیندا اوتوراندا بو شعری قولاخ آساردیخ...

یار قاصدی

سن یاریمین قاصیدی ســـن ایلش سنه چای دئمــــیشم

خیالینــی گؤندریــــب دی بس کی من آخ وای دئمیشم

آخ گئجه لر یاتمامیشـــــــام من سنه لای ـ لای دئمیشم

سن یاتالی من گؤزومـــــه اولدوزلاری سای دئمیشـم

هرکس سنه اولدوز دئیــــه اؤزوم سنه آی دئــــــمیشم

سندن سونرا حیـــــــاته من شیرین دیسه زای دئمیشـم

هر گؤزلدن بیر گول آلیـــب سن گؤزله پای دئمیشــــــم

سنین گون تک باتمـــاغینی آی باتانا تــای دئمــــــیشم

ایندی یایــا قــیش دئییـــرم سابیق قیشـا یای دئمــیشم

گاه تویونو یــاده ســـالیب من دلی ، نـای ـ نـای دئمیشم

سونـرا یئنه یاســـه باتیب آغلاری ، های ـ های دئمـیشم

اتک دولــو دریــا کیمــی گؤز یاشیما ، چای دئمـــیشم

عؤمره سورن من قارا گون آخ دئمیشم ، وای دئمیشم .

آلله روحین شاد ائله سین...

 
 
 |    نوشته شده توسط دومان
 
 
 

"اؤزگورلوک گئتمکده دئییل"

آما سن گئتدین

"گئری دونمه مکده دیر"

گئری دونمه دین

بو گرگین اینتحار آنلامیندا

بیر الیمده تاپانچا

بیر الیمده قیزیل گول

پاساپورتوم اولوردو اوندا

سنه گلیردیم اوردا.

 
 
 |    نوشته شده توسط دومان
 
 
 
آی آغ اوزون یادین قارا زیندانیندا آی ایشیغی
داغلار کیمی دایانیشین آنا یوردون یاراشیغی
وورغون کؤنلون اؤزگورلویون سئودالیسی حق عاشیقی
یاساق دیلین وراق وراق غزل غزل اؤزلور سنی
توتساق ائلین اوبا اوبا شهر شهر گؤزلور سنی
توز قونماسین گول اؤزونه قارا ظلمون قوراغیندا
داریلماسین داغ اوره یین تولکو یادین دوزاغیندا
سئوگیمیزین پری لری هر آن گزیر سوراغیندا
سئودان یاشیر سینه سینه آزربایجان دیاریندا
نغمه له نیر دوداق دوداق آرزوموزون با هاریندا
کؤنول مولکو آنا وطن قوچا قلارین میدانیدیر
بیر گون سوسان بیر گون جوشان ساوالانین ولکانیدیر
بیلگی سئوگی بوداغیندا آچان گوللر اورمانیدیر
دوستاقلاردان پوهره وئرن قیزیل گوللر بیزیمکیدیر
قارانلیغین چؤکوشیله آچان سحر بیزیمکیدیر
                                                           یای ۲۰۰۹ اسماعیل جمیلی
 
 
 |    نوشته شده توسط دومان
 
 
 


قابارلی گؤزلریمی قورخولار چالان گئجه دیر

گئجه دووز ، گئجه بایقوش ، گئجه ایلان گئجه دیر

زامان اؤزون ایتیریب ، بورخولوبلار عقربه لر

سحر گونش چیچکی چیخمامیش سولان گئجه دیر

آچیقدی پنجره لر سان کی گرنه شیر اودالار

بو بوش قوجاقلارا زیل خولیالار دولان گئجه دیر

ائشیتمه دن بیر آجیخمیش پیشیک قاچیر کوچه ده

دایان آجیبلا پیشیکلرده دالدالان گئجه دیر

غزل دوغولور دلی بئینیم یئنه بو کیپلریکلر

یومولماماقلا یومولماقدا قرق اولان گئجه دیر

یئنه ایچیمده اویاقدیر حوزونلو خاطره لر

اؤتن کدرلریمی فیکریمه سالان گئجه دیر

اؤنومده بیر قادینین بیر سحر چاغی کوچه ده

گرزونده دالغالانیب کؤنلومو الان گئجه دیر

ائله او گؤزلره تک ، آه ائله سئوگی یه تای

یالانچی دیر بو قارانلیق گئجه ، یالان گئجه دیر

ساچیم آغارمادادیر ، گئت به گئت ساچیم سان کی

سحر چاغیندا ایشیقلاردا محو اولان گئجه دیر

آنام بو گؤیلره یاس پالتارین یووب سرمیش؟

یادا آتام یاسینا ساچلارین یولان گئجه دیر

آنا سحردی؟ یا آغ بیرچه گین اسیر کوچه ده

یا اود توتوب نفسیندن ایشیقلانان گئجه دیر

سحر آچیر کوچه آغزیندا بیر سیچان دیلییب

یئنه بو آج گوچه نین معده سی دولان گئجه دیر

گونش اسیر گلیر آردیجا قاپ قارا کؤلگه م

بو کؤلگه دون گئجه دن قورتولوب قالان گئجه دیر

منبع : ماهنامه آفتاب آذربایجان

 
 
 |    نوشته شده توسط دومان
 
 
 
 
بیر قوش چکه جیم قاناد اچا
اورگیمی اونا باغلایام قفسده قالمیا
بیربلوط چکه جیم
گوزومو اونا باغلیام یاغیب اغلاماغدان دویدرا
بیر گول چکه جیم تیکانی اولمیا
بولبولون قانادینا باتمیا
بیرسئوگی چکه جیم ایریلقی اولمیا
عاشقلرین اورگین یارمیا
بیر گون چکه جیم باتمیا
ایشیق سالیب قاشمیا
بیر یول چکه جیم قورخوسو اولمیا
یولداش بیزی یولدا قویب قاشمیا
بیرکورپو چکه جیم سینیخ اولمیا
اورکلری سئوگیلره باغلیا
بیر گوزچکه جیم سورمه لی اولمیا
یالان گوزلر عشه دوشوب یانمیا
بیر دیل چکه جیم یالن دانیشمیا
سوزدئیب التینان قاشمیا

بیر چای چکه جیم ادی آراز اولمیا
ائل ایچینه آیریلیقی سالمیا

ارسال شده توسط (س.س.م)اولدوز

 
 
 |    نوشته شده توسط دومان
 
 
 
گلمه دی
رضا براهنی
چئویرن: لاله جوانشیر


گونش گلسین دئیه چیرپیندیم.
گلمه دی
ساریشین ساچلارینی مرمر کمرینین سئحرینه تؤکموش
بیر دلینین آردینجا گئتدیم
گونش گلسین دئیه
گلمه دی.
کاغیذ دووار، داش، تورپاق اوستونه یازدیم
اوخونسون دئیه یازی
گونش گلسین دئیه
گلمه دی.
قورد کیمی اولادیم
قورد بورنو کیمی سوخولدوم زمانه نین قارنینا
یاتدیم
گئجه – گوندوزیاتدیم
گونش گلسین دئیه.
گلمه دی!
نئجه ده غریبه، اوغورسوز بیر چاغ
دوران کؤپک ییه سی من ایسه کؤپک
قاپیدان قوولونجا
وفا دامیندان
داملادیم ایچری
گونش گلسین دئیه
گلمه دی
یاناقلاریما عشق ائتدیم ظلمتده شاملاری
جادده یه ائندییمده
ایکی یاناغیمی
خالقیم اوچون کور چلیک کیمی توتدوم
گونش گلسین دئیه
گلمه دی.
هیچقیریقلاریم یوخودان
آجی یوخودان
یئر اوزو اوشاقلارینین یورغون، دادلی یوخولارینی قاچیردیسادا
آغلاماغا ارکیم یئتمه دی
نه دوست یانیندا
نه حضوروندا
نه ده اؤز خلوتیمده
ارکیم آغلاماغا یئتمه دی
گونش گلسین دئیه
گلمه دی.
 
 
 |    نوشته شده توسط دومان
 
 
 
 

بو گون

           دونیایا

                   گوزومو آچدیم

بو گون

         دوغوم

                    گونوم دي

 

 
 
 |    نوشته شده توسط دومان
 
 
 

دوستاق منيم اولسون دار منيم اولسون

سني بير اولدوزلو گئجه سئوميشم

مني دوغراسينلار يار منيم اولسون

كيمسه بيلمز سني نئجه سئوميشم

من سني سئوميشم كده ره دالما

دونيانين سؤزونو اؤزونه آلما

باشيني قالديريب آشاغي سالما

سني داغلار كيمين اوجا سئوميشم

دئييرلر اؤزونه اوره گين يانمير ؟

سئوگينين ديليني هئچ كيمسه قانمير

سني سئوديگيمه كيمسه اينانمير

حئيرتده دير قاپي پاجا سئوميشم

بيلميره م درديمي كيم ايلن دئييم

بو ده لي اوره ك لن بيلمم نئيله ييم

آخي سئوديگيمي نئجه سؤيله ييم؟

آخي ...

گنج بير قيزام...

قوجا سئوميشم!...

 
 
 |    نوشته شده توسط دومان
 
 
 
 

گئجه ده

 

قاپی یوخدور

                                یول یوخدور

گئجه یوخدور

                                آی یوخدور

نه گوندوز

                                 نه گونش

بیز دایانمیشیق زامان دیشیندا

بیر قارا قمه کوره ییمیزده ده

کیمسه دانیشماییر بیریسی ایله

کی سوسقونلوق مینلرجه دیلده دانیشماقدادیر

باخیریق

            اؤلولریمیزه

                          گولومسه یه رک

و گؤزله ییریک اؤز سیرامیزی

                     کولومسه مه دن

 
 
 |    نوشته شده توسط دومان
 
 
 

 

گوز گی کیمی گوزلر تیکیلیب يـولـلارا سـاري    

يـئللــرده اســيـب گئــدي ، فـقـط قـالــدي غــبـاري

بيـر كـس ده تـاپيلـماز ائـلـيـه گوزلـري يـاري         

« اولـدوز سـاياراق گوزلـه مـيشم هر گئجـه يـاري

گئج گلمده دي يار يئنه اولموش گئجه ياري »

 

يـازديـم بازي يـازلاره دئديـم يئللـرووي اس

سس گلدي كي آرتيغ دئمه سوز كس سسـووي كس

آرزی كيميـن اولموش منه ايندي گئچه بير كس

« گوزلـر آسيـلي يـوخ نـه قـارالتـي نـه ده بير سس

 باتميش قولاغيم ، گور نه دوشورمكده دي داري »

 

منـده قـاراگون عمـريمي قويـدوم ديه سن هن

يـوخ اينـدي گئـديـركـن مـنيـده اولـديـره سـن سـن

شـايد خبريـم يوخ كـي اولوبسان منه دوشمن

« يـاتمـيش هامـي بيـر آلاه اويـاقديـر داهـا بيـر من

 مندن آشاغي كيمسه يوخ ، اوندان دا يوخاري »

 

آرتيـغ منـي غـم ، غصه لـرين اوسـتونه ييخما

يــوخ منـده داهـا جـان ، قـارا گوز جـانيمـي سيخمـا

مـنـده دئـيـرم گوزلـريـمـه بيـرجـه داريـخمـا         

« دان اولدوزي ايستر چيخـا ، گوز يالواري چيخمـا

او چيخماسادا ، اولدوزومون يوخدي چيخاري »

سنـدن سـورا غملر گولـي كي سولمياجاقميش

عاشـيـق سازيـنـا غـمـلـي نـوا دولـمـيـاجـاقـمـيـش

اولـدوز منـه خاطيـر بـاشينـي يـولمياجاقميش   

« عشـقيـن كـي قـراريـنـدا وفـا اولمـيـاجـاقـمـيـش

بيلمم كي طبيعت نيه قويموش بو قراري؟»

 

داغ مشعلي اوتلاندي سحر سويلـه دي : دورما 

كوشـان اوجـاقي يـانـدي سـحر سـويله دي : دورما

هر كيمسه مني قاندي سحر سويله دي : دورما  

« ريشخنـديـله قيـرجـانـدي سحر سويله دي : دورما

جان قورخوسي وار عشقين ، اوتوزدون بو قماري »

 

وقتـي يـئتيشـيـب گوزلـريــم آيري قالا ائلـدن

مـجـنـون كـيمـي كـوشـانـدا گئنـه آه چـكــه بئـلـدن

مـنـده كـي تـوتـا بـيلميجـم سارامـي سئـلـدن 

« اولـدوم قـره گون ، آيـريـلالي او سـاري تـئـلـدن

 بونجا قره گونلردي ايدن رنگيمي ساري »

 

چاتدي سحر آما گوزومون وقتي قوتولدي 

دا گوزده مگـيـن فـايـداسـي يـوخ گوز كـي توتولدي

گون ده باش آچيب سققه ليمه باخديجا گولدي 

« سانكي خوروزون سون باني خنجردي سوخولدي

 سينمده اورك وارسا كسيب قيردي داماري »
 
 
 |    نوشته شده توسط دومان
 
 
 
 
 
 |    نوشته شده توسط دومان
 
 
 
قاشلاريمي آلديرماياجاغام هله! 

  قوي بو آيريليغين قيرخي چيخسين  

                                         سونرا... 

  نه مکتوبلار 

  نه ماهنيلار  

  نه رسيملر... 

                  يووووخ  

  اينان کي هديه‌لره گؤره دئييل بونلار ! 

    

                  تکجه گوزگونون خطيريني ساخلامالييام  

                  يوخادير اوريي آخي  

          اوزومه باخمايا بيلر  

          گلين چيخان آ..ن..ل..ا..ر..ي..م..د..ا...... 

    

  باشقاسي نين اوزونه باخماياجاغام هله! 

  قوي بو سئودانين ايلي چيخسين 

                                                 سونرا...   

 

 
 
 |    نوشته شده توسط دومان
 
 
 
 

 
 
 |    نوشته شده توسط دومان
 
 
 

pctfx3.3

Silent Music Template

Multimedia CD Catalogues گروه طراحي چندرسانه اي وبلاگ رسانه گشت و گذار در دنياي رسانه هاي ديجيتال Medium Blog - Digital Media World قالبهاي رايگان سايت و وبلاگ Advanced Persian Blog Templates

اطلاعات مربوط به كارگاه طراحي قالب: Professional Web Site Design Center Template Design Workshop, دانلود قالب هاي وبلاگ Template Design Workshop, جزئيات قالب هاي رايگان Template Design Workshop, وبلاگ كارگاه طراحي قالب Template Design Workshop, جستجوي قالب هاي وبلاگ Template Design Workshop, تماس با كارگاه طراحي قالب Template Design Workshop, درباره كارگاه طراحي قالب

اطلاعات مربوط به گروه طراحي چندرسانه اي: Web Development Department - Multimedia Design Group , بخش توسعه وب - گروه طراحي چند رسانه اي Web Designing Department - Multimedia Design Group , بخش طراحي وب - گروه طراحي چند رسانه اي Multimedia Designing Department - Multimedia Design Group , بخش طراحي چند رسانه اي - گروه طراحي چند رسانه اي Blog - Multimedia Design Group , وبلاگ - گروه طراحي چند رسانه اي

اطلاعات مربوط به تكنوراتي: pictofxt Farsi Blog Iran Domain Registration

تهیه وب پورتال اختصاصی برنامه نویسی تحت وب